|
I'm Liezel Barrameda.. an AB-broadcasting student of BUCAL... :)))
#smile my friend :)))”
“Alam ko kung gaano niya ako kamahal kaya imposibleng magawa niya kong iwan”— Wag kang maging kampante na di niya talaga magagawang ika’y iwanan dahil baka isang araw ay mabigla ka na lang pag sinabi niya ‘to sayo, “Pasensya na ha.Mahal kita pero di ko na kayang magpakatanga pa at magbingi - bingihan. Napagtanto ko na rin kasi isang araw na di mo na ko mahal at wala ka ng pakialam sa nararamdaman ko. Minahal kita SOBRA at alam kong alam mo yun…kaya lang ano pa bang magagawa ko? Sayang…. sa lahat ng taong pinaglaanan ko ng pagmamahal ay sayo pa napunta. OO, nagsisisi ako ngayon dahil noong una ay di ko nagawang magalit o magtampo man lang sayo. Kahit nasasaktan na ko, sinusubukan pa rin kitang intindihin at patuloy na naniniwalang magiging maayos din ang lahat pero..nagkamali ako. Wag kang mag - alala.. Kung nais mong lumayo na ko at pabayaan ka, gagawin ko para sayo. Yun din naman ang gusto mo di ba? Palalayain na kita at sa desisyon kong ‘to…alam kong sasaya akong muli at makakahanap ng taong magmamahal sa akin na hindi mo man lang maibigay kahit konti. Paalam.. ito na ang huli. Sasabihin kong, mahal pa rin kita at kakayanin ko at pipilitin ko ang sarili kong kalimutan ka dahil iyon ang tama.”
‘ANG SAKIT’… pag napagtanto mo na di ka na mahal ng taong mahal mo. Minsan pa’y natutulala ka na lang at naiiyak. Pakiramdam mo may kung anong kumukurot sa puso mo at anong sakit ang nararamdaman mo’t natatakot ka pa kasi di mo alam kung iyon ba ay mahihilom pa. May pag-asa pa nga ba? Babalik pa rin kaya siyang muli para mahalin ka? Patuloy ka pa ring umaasa sa posibilidad na baka dumating yung araw na makita mo na lang siyang lumalapit sayo, nagmamakaawang tanggapin mo ulit siya at patawarin sa lahat ng kasalanang nagawa niya. Balewalain ka man niya, iindahin mo na lang yun…MAHAL MO SIYA E. Ang hirap lang harapin ang katotohanang ngayon ay di ka na niya kaya pang tingnan o lingunin man lang. Nilimot ka na niya. Isa ka ng dayuhan sa buhay niya at di ka na kilala. Naaalala mo ang nakaraan at ang mga masasayang araw na kayo’y magkasama…anong ligaya pa rin ang nararamdaman mo dahil minahal ka pa rin niya at naging kayo pero nalulungkot ka kasi ang bilis lang natapos ang lahat. Ang dali rin niyang nagsawa at patuloy ka pa ring napapaisip kung ano ba ang mga nagawa mong mali para iwan ka niya ng ganun-ganun lang. Napapatanong ka, “Ano ba ang dapat kong gawin para bumalik siya ulit sakin?” Natatakot ka na muling mag-isa.. Nasanay ka na lagi mo siya kasama at hanggang ngayon ay hinahanap-hanap mo pa rin siya. Gusto mong gawin ang mga bagay na ginagawa niyo noong kayo pa at pumunta sa mga lugar na una niyong napuntahan na magkasama. Nakakamiss noh? Napapangiti ka habang naaalala ang mga yun pero patuloy naman ang pagtulo ng luha mo. Naglalakad ka na lang na mag-isa at hindi alam ang pupuntahan. Napapatingin ka sa mga magkasintahan na masaya at magkahawak-kamay. Bakit ngayon pa? Bakit ngayon pa kayo naghiwalay kung saan nararamdaman mo na ang saya? Wala ka bang karapatan na maging masaya sa piling niya? O sadyang di talaga kayo ang nakatadhana para sa isa’t isa?
“Hindi sa lahat ng pagkakataon ay kailangan mong maniwala sa isang tao, kasi malay mo pinapaikot ka lang niya. Pero minsan, dapat ka ring maniwala dahil kung mahal mo siya, magtitiwala ka at hindi mo na kailangan pang marinig ang paulit-ulit niyang paliwanag para lang makumbinsi ka.”
ENTRY—*
Ang yakapin ang taong mahal na mahal mo ay patunay lamang kung gaano siya kaespesyal sa buhay mo. Ang pagiging espesyal niya ang dahilan kung bakit hanggang ngayon ay nananatili ka pa ring nakangiti. SIYA lang naman yung taong gustong-gusto mong batukan at pagtripan..na kahit lambing mo lang yun parang nais mong laging gawin sa kanya pero hindi mo magawa. Bakit? Kasi hindi mo naman siya laging nakakasama, pero OK LANG…
Ang sweet niya kaya naman gusto mo ring magpakasweet sa kanya. Di mo kayang sabihin kaya yayakapin mo na lang siya. What’s the feeling behind that hug? What are the words that you can’t utter and you just embrace him na lang?
“Mahal na mahal kita.”
“Padabaon takang maray.”
“Sana ako lang.”
“Sana maramdaman kong ipinaglalaban mo ko sa kanila.”
“Ikaw lang at wala ng iba pa.”
MInsan, kahit nasasaktan ka na… iindahin mo na lang.
Minsan, kahit alam mong mali niya… ikaw na lang ang magpaparaya.
Totoo nga, LOVE IS BLIND. Mapasama ka man o magpakatanga ka man walang dapat maghusga sayo kasi nagmamahal ka lang. Sabihin man nila sayo ang masasamang bagay patungkol sayo, hindi mo na iintindihin dahil alam mo na yun simula’t simula pa lang.
Narito ang iba’t ibang mukha ng pagiging bulag sa pag-ibig:
1. Ikaw na lang gagawa ng paraan para maayos ang di niyo pagkakaintindihan. Ikaw na lang magsosorry kahit alam mong mali niya at di mo siya kailangang sumbatan kasi baka lumala pa ang sitwasyon.
2. Siya na lang lagi gumagawa ng effort para mapasaya ka, para magkita kayo at para tumagal ang inyong relasyon. Di mo alam na nahihirapan na siya kasi ang mahalaga lang sayo ay yung maging masaya ka.
3. Kahit alam mong mali na ipagpatuloy pa ang inyong nasimulan kasi nakikita mo na siyang may kasamang iba at harap-harapan na niyang ipinapakita sayong ayaw na niya pero ikaw, ayaw mo pa ring bumitaw at ang tanging rason mo kung bakit ay dahil mahal na mahal mo siya.
4. Di mo siya kayang mawala sayo kaya hindi mo rin maramdaman na naiinis na siya kasi lagi ka na lang nakabuntot sa kanya.
5. Lahat na ginagawa mo para sa kanya. Napapasaya mo siya pero isang araw nakita mo na lang siyang lumalayo sayo at parang hindi ka niya kilala.
Isang salita lang ang makapagbibigay ng kahulugan sa mga nabanggit:
P - alagi mo na lang sinasabi na, “OK lang lang AKO.” kahit hindi naman.
A - ng lokohin ang sarili mong nararamdaman ay hindi tama.
G - anun mo ba talaga siya kamahal?
P - aano kung mapagtanto mong di na ikaw yung dati…
A - t di mo na rin kilala ang sarili mo? Sino ka na ngayon?
P - ag nagmahal ka talaga, may posibilidad na makalimutan mo lahat dahil nakatuon ka na lang sa iisang tao.
A - no na ang dapat mong gawin?
K - ahit mahal mo siya, intindihin mo rin ang sarili mong nararamdaman.
A - ndami mong pwedeng gawin pero isipin mo kung iyon ba ay makabubuti para sayo.
T - ayo ay nagmamahal lang naman…
A - t sana pahalagahan tayo ng mga taong mahal natin gaya ng ibinibigay natin sa kanila.
N - apakahirap din naman intindihin ang taong ibinibigay mo na nga lahat para sa kanya pero di pa rin pala nasisiyahan.
G - anyan ang pag-ibig na di mo na dapat asahan.
A - t ikaw lang ang masasaktan niyan sa bandang huli.
ENTRY—*
“I’m falling…I’m falling…
Please catch me I’m falling inlove with you”
Masasalo ka kaya niya? Ang sakit pag hindi noh? Nagmukha ka lang tanga sa harap ng maraming tao..nakakahiya at ano na lang ang sasabihin nila sayo? Lahat negative at pag narinig mo masasaktan ka lang at sino ang tatakbuhan mo? WALA…
Masarap din sa pakiramdam na bago pa nahulog ang loob mo sa kanya, dati na siyang may gusto sayo. No doubt..Ikaw lang ang hinihintay niyang magbigay ng motibo para gumawa siya ng first move. It’ll work it out if you try. Hold on with each other kasi yun rin ang gusto niyo pareho.
May mga taong akala nila they’re falling inlove with someone but they found out na hindi pala at ‘infatuation’ lang ang naramdaman nila. They got attracted at the very first place pero noong tumagal-tagal, nawala rin.
ENTRY—*
Lumipas man ang maraming taon
Aking pipigilan na ang nararamdaman ko sayo
Ay hindi maglaho
DI ko ginustong mahulog ang loob ko
BaSta na lang tumibok ang puso ko sayo
Napaisip…IKAW na nga kaya?
Masaya ako pag kasama kita
Nakakausap at nagkakatinginan pa
SANA hindi dumating yung araw na pipiliin mong lumayo
Sa kadahilanang hindi mo na ko gusto
Kung mangyari man ang aking iniisip
Nangangako ako sa aking sarili…
Hinding-hindi kita kakalimutan
MAHAL KITA…
PADABA TA KA…
Ayokong mawala ka maging ang nararamdaman ko sayo. BAKIT?
Alam mo sa tuwing magkasama tayo, napapasaya mo ko
Ang ngiti ko na hindi mailaan sa ibang tao kundi sayo lang
Ang puso ko na nagsasabing IKAW ang minamahal nito
Kung alam mo lang na pag tayo’y magkasama…
Tinitingnan kita..Naibubulong ko sa aking sarili..
“Ang lalaking ito na basta ko na lang nakilala
Unang nagpatibok ng puso kong noon ay nananahimik
Ngayon, ang ingay na dahil pangalan niya ang laging isinisigaw nito.
SANA ikaw na ang panghabambuhay, masaya AKO sa piling mo.”
Mas tumibay pa ang ating pagsasama
Marami akong natutunan na mga bagay mula sayo
NGUNIT, BIGLANG NAGDILIM ANG PALIGID…
sa kadiliman halos di ko na siya masilayan
Mula sa kalayuan nakita ko siya
Bakit napakaliwanag sa kinatatayuan niya?
Nahuli ko ang aking sariling tumutulo ang luha…
Pilit na iniaabot ang kamay sa kanya
Habang siya nama’y unti-unting lumalayo
“Huwag mo akong iwan. Di ko kayang mawala ka…
Saan ka pupunta? Sasama ako sayo!!!!” T_____T
Sa isang iglap bigla siyang nawala sa aking paningin
Labis na dalamhati ang aking nararamdaman
Yung lalaking pinakamamahal ko…..
Nawala lang…Namatay siya…
Noon ko lang din nalaman na may sakit SIYA
“Bakit hindi mo man lang sa’kin sinabi?
Bakit ang selfish mo?
Di mo ba naisip na nag-aalala ako sayo?
Ang sama mo. Mag-isa mo lang nilabanan ang sakit mo.
Nandito naman ako palagi para alagaan ka.” :(((((((((((((
Ilang taon na ang nagdaan…
Naaalala ko siya…namimiss ko SIYA…
Ang lalaking lubos kong minahal
Ang lalaking gusto kong makasama habang-buhay
Ang lalaking naglaho pero mananatili pa ring nandito sa aking puso
Minamasdan ko ang larawan naming dalawa noong nabubuhay pa siya…
Ang saya namin…ang kukulit pa…
“Alam mo, mahal pa rin kita hanggang NGAYON..
Huwag kang mag-alala, hindi ko magagawang magkagusto sa iba
Ikaw lang talaga…
Alam kong nalulungkot ka pag nakikita mo akong umiiyak
Lagi kong iniisip na nasa tabi kita palagi
Wag mo kong pababayaan ha…
Kasi ikaw lang naman ang nakakaintindi sa’kin.
NAMIMISS NA KITA…” :(((
